 | | |
| | |
|
Spaces home  「黑鬼遊」樂園PhotosProfileFriendsMore |  Tools   |
|
「黑鬼遊」樂園他朝君體也相同、風水輪流轉
September 10 相愛很難？有開始，亦有終結。
有歡笑，沒有淚水。
無想過一夜談話的內容，比三個月要傾的還多。
失去了，或許有點不慣；得到的，卻是無限喜樂。
ps：我諗無人去到呢步，會用到碰杯呢招；
亦都應該無人，會好像擺酒咁列出通知名單。
我們都是奇怪的……
August 27 愛屋及烏「愛屋及烏」，本來想略加解釋，但相信多數人都明白，無謂浪費篇幅。曾經認為是一件簡單的事，因為與聖經所講的差不多，叫我們愛人。
聖經哥林多前書十三章4-8節：「愛是恆久忍耐，又有恩慈；愛是不嫉妒，愛是不自誇，不張狂，不作害羞的事，不求自己的益處，不輕易發怒，不計算人的惡，不喜歡不義，只喜歡真理；凡事包容，凡事相信，凡事盼望，凡事忍耐；愛是永不止息。」
看似容易，但行出來原來難度極大。單是「不輕易發怒，不計算人的惡」這兩句，都不知要學習多久才真的做到。
這夜，心情跌進谷底。明明上完主日學，明明背熟哥林多前書十三章，明明決定要做個好見證，這一夜，令我有點失落。失落到睡不到......是那道怒火還在？是不甘心？還是想找個地方發洩一下呢？
「愛屋及烏」......唉......
August 25 快樂足球記得以前好鐘意打波，足球、籃球、羽毛球甚至壁球，樣樣都會玩。尤其是足球，更是至愛。但當時年幼氣盛，每次踢波都希望表現得最好，唔知點解，總是事與願違，未至於是最差一個，但總有點甩漏，連累下隊友。
終於有日發覺原來放輕鬆來踢，表現可以好好；笑住來踢，好似可以再好點。從那日起，明白了快樂足球的道理……
慢慢地，將這套道理用於工作上，嘗試唔將自己的故仔同人比較；嘗試在自己無所事事時，盡全力幫一些需要幫手的同事；嘗試唔去計較他人在後面暗算你的一舉一動。當然，有時不太快樂……但無論在哪一間公司，都有一大班好好好好的同事，很安慰。
上星期睇了《五星級大鼠》，好多笑位，但最鐘意的係臨完場前那一位食評家的一番話，大約內容係：「曾經我以為做一個食評家好容易，只要在食評中『係咁咦』寫幾句，就可以令一個有潛質的廚師隨時玩完……」最後這個食評家醒覺。人總有低潮期，有時總是覺得每個人都針對你，或者每樣事情都不順利，但就算事情真的如此發展，又如何呢？你可以控制嗎？你可以影響他人對你那一份先入為主的觀念嗎？既然唔開心要面對，開心亦要面對……那不如開心一點吧！
最後想講，近日返工前都會睇「現在寬頻」的點心衞視，其中一個節目叫《解碼珠三角》，節目主持是無綫前主播李燦榮。你睇完個節目，你會覺得這個李燦榮有點陌生，從前他總是很嚴肅的跟你講今日有甚麼新聞，現在卻是一個遊戲節目主持人，人是多面的……不要被過去的事物限死自己。 August 06 小病好耐無update個blog，因為啱啱個禮拜好忙。每日1730--0230返工，返屋企0400瞓幾個鐘，1000就去教會的夏令營地聽福音，晏晝又去返工。如是者，經過4天都係瞓得幾個鐘，終於捱出病來。
有同事形容呢種舉動係自作自受，自己攞嚟，其實我都認同，但如果唔趁呢啲時間，追返之前失去，恐怕唔知要等到幾時。幸好只係小病一場，但又俾阿媽鏟咗一嘢......出奇地，無駁嘴。
講番工作，近月轉咗去做文字組，其實都幾開心。因為乜嘢都有得俾我掂，除咗港聞、外電呢啲以前接觸過的故仔要做之外，從未做過的娛樂、淨係試過扑咪的財經、年輕時代的強項體育，宜家樣樣都要做。
我一路都覺得，接觸唔同範疇的新聞，對一個記者的成長係有啲幫助。以前學影嘢剪嘢，宜家就試吓掌握唔同範疇的新聞。記得以前有個舊同事（佢宜家係愛新覺羅人）曾經同我講過，有機會試下做報紙，你會識得點樣分析隻故仔......我宜家終於明白佢講乜，起碼宜家改寫一隻故仔時，會認真諗吓邊啲嘢係人想知，邊啲唔係。（無理由人哋俾10樣嘢，你寫晒架，咁樣容乜易變咗某啲人架。）
早幾日，喺電視見到一個頭好大的女仔做live，戥佢開心，即刻send個message恭喜佢。俾心機，加油！ July 21 兒時玩意今日去飲茶，聽到隔離檯有個小朋友同他的親戚玩「007」。什麼是「007」，我估計生於70年代尾至80年代初的人，都應該略知一二。當年，「007，入子彈」、「007，保護網」、「007，砰」這幾句話，在學校裏面真的好「hit」，後尾仲有什麼什麼進化版，話入到5次子彈，就可以一槍打瓜人，有保護網都頂唔住。
再後來，「007」的玩法普及到不少卡通片，包括「魔動王」。從三大勇者中選角色，包括地隱俠、風飄俠、水捲俠，大家互有攻守，好不開心；但回想起來，其實都幾白痴。哈哈......
變形金剛《Transformers》近日又hit番，我正密謀將我當年儲起的所有變形金剛來一個「大晒冷」，不過要將他們從密室解救出來，需要一點時間。等我再放孖day，或者空閒一點，就實行我的拯救計劃，並將他們的英姿放上網。到時見......
|
|
||||||||||||||||||||||||||||||||
|
|
Invite as friend